Cristiano Ronaldo është një ndër favoritët kryesorë për fitimin e “Topit të Artë 2019”. Ylli i Juventusit ka dhënë një prononcim për France Football, aty ku flet për arritjet e tij, Leo Messin dhe objektivat.
34-vjeçari tregon edhe të mesmen e artë që sjell suksesin në futboll. Talenti ka rëndësi jetike, por puna e madhe dhe e përditshme të bën që të arrish e të qëndrosh në nivele të larta.
GOLAT – “700 gola janë një shifër impresionuese. Ndihem edhe më shumë krenar kur shoh se sa pak futbollistë e kanë arritur një shifër të tillë. I preferuari? Ai me roveshatë kundër Juventusit. Tentoja prej shumë vitesh të realizoja një gol të tillë”.
MESSI – “Rivaliteti i madh që kishim në Spanjë na ka përmirësuar të dyve. Ka qenë një rivalitet i pastër, e ndjeja presionin kur isha te Real Madrid”.
SEKRETI – “Talenti është i domosdoshëm në futboll, përndryshe nuk mund të arrish shumë larg. Por, edhe talenti pa punë nuk ka asnjë vlerë. Nuk do të arrija kurrë në këto nivele pa kulturën e punës”.
OBJEKTIVAT – “Dua të qëndroj i ri pavarësisht kalimit të viteve. dua të vazhdoj të jem kompetitiv edhe në të ardhmen”. /abcnews.al
