Spanja është pjesë e grupit B dhe takimet eliminatore për Botërorin Katar 2022 do i nisë kundër Greqisë, kundërshtar të cilin e pret në Granada nesër në mbrëmje (20:45). Pjesë e këtij grupi është edhe Suedia e Zlatan Ibrahimovic dhe Kosova.
Iberikët kanë kundërshtar kombëtaren nordike edhe në Euro 2022. Spanja dhe Suedia janë pjesë e grupit E bashkë me Poloninë dhe Sllovakinë. Trajneri Luis Enrique nuk mund të mos bënte një koment për Ibrahimovic, i cili është rikthyer pas 5 viteve te Suedia.
“Ibra është një futbollist që mbetet pikë referimi. Pavarësisht moshës së madhe, virtytet e tij janë të shumta. Do të vijë momenti kur do të përballemi kundër tij. Zlatan po tregon se ndodhet në formë të shkëlqyer në Serie A.
Do e vlerësojmë me kujdes praninë e tij të mundshme në Europian. Ka akoma kohë derisa të luajmë kundër tij, për momentin jam i shqetësuar vetëm për të tashmen: pra ndeshjen kundër Greqisë“, deklaroi trajneri i Spanjës. /abcnews.al
