Kapiteni i Spanjës, Sergio Ramos, ka folur në një konferencë për shtyp gjatë grumbullimit me kombëtaren, ku nuk mund t’i shpëtonte pyetjeve për Lionel Messin. Ylli argjentinas, një rival prej 2 dekadash me mbrojtësin e Real Madrid, duket se do të largohet nga Barcelona.
Për këtë opsion, Ramos u shpreh: “Kjo është një temë që nuk na shqetëson ne si futbollistë të Real Madrid. Messi e ka fituar të drejtën për të vendosur për të ardhmen e tij, ashtu sicc ai e mendon të arsyeshme.
Për La Ligan dhe Barcelonën, do ishte mirë që të qëndronte. Messi e bën kampionatin më të bukur, Barcelonën më të fortë dhe “El Clasicon” më interesante”, përfundoi kapiteni i Real Madrid./abcnews.al
