Rita Ora dhe Lewis Capaldi duket se kanë bashkuar forcat për të sjellë një bashkëpunim. Ata janë ndër artistët më në zë në Britani, dhe së fundmi kanë shtuar spekulimet se po sjellin një projekt së bashku. Rita dhe Capaldi janë fotografuar në një studio muzikore në Londër, dhe fansat menjëherë kanë aluduar se po sjellin një surprizë për ta.
Një burim tha për The Sun: “Kjo mund të sjellë diçka shumë të veçantë”. Kjo nuk është hera e parë që Rita dhe Leëis kanë punuar së bashku. Artisti shkroi këngën “How To be Lonely”, që u publikua në Mars. Këngëtari skocez ka konfirmuar se po punon për të sjellë albumin e ri, i cili nuk do të dalë në treg deri vitin e ardhshëm.
Ndërkohë, Rita ka qenë në qendër të vëmendjes kohët e fundit për shkak të lidhjes së re të dashurisë me Romain Gavras. Këngëtarja ka shtuar dyshimet se ka hedhur një hap drejt fejesës, pasi mediat britanike publikuan disa foto ku shfaqej me një unazë në gisht. xh.d/abcnews.al
