Ristani: Duhen ndërtuar procese për të hyrë në rrugën e demokracisë

schedule13:40 - 2 Qershor, 2020

schedule 13:40 - 2 Qershor, 2020

Eksperti i çështjeve zgjedhore Arben Ristani në studion e “ABC News” ka komentuar debatin për kodin elektoral. Për ekspertin sistemi demokratik nuk është në rrugën e duhur.

“Duhet të dalim nga interesi për pushtet, duhen ndërtuar procese për të hyrë në rrugën e demokracisë”, u shpreh ai.

Gjatë bisedës në studio Ristani tha për gazetaren Juli Xhokaxhi se duhet bërë një ndërhyrje edhe te ligji për organizimin e partive politike.

“Ndryshimi sistemit ka filluar të perceptohet nga shqiptarët si një mundësi direkte për tu përfaqësuar në Parlament. Mua më duket pak e ekzagjeruar që shpresat të varen te sistemi. Por meqë ka ndodhur dhe për këtë popullaritet që ka marrë duket se është i nevojshëm”, u shpreh ai.

Më tej Ristani u shpreh i keqardhur që ende ka njerëz që nuk janë ngopur nga paraja dhe pushteti për shkak të cilëve vendi ndodhet në situata të vështira./abcnews.al