Cristiano Ronaldo qëndronte larg fushave prej datës 13 tetor, për shkak të infektimit me koronavirus. Juventusi e ka ndjerë mungesën e tij në këtë periudhë dhe rezultatet pozitive kanë munguar.
Ekipi i Andrea Pirlos mposhti 1-4 Spezian ditën e sotme, me yllin portugez që realizoi dy prej golave të ekipit të tij. 35-vjeçari foli pas ndeshjes për Sky Sport, aty ku tha këto fjalë:
“Jam shumë i lumtur, pasi u bë kohë e gjatë që nuk luaja. Nuk kisha asnjë simptomë për 18 ditë radhazi, por isha i detyruar të qëndroja në shtëpi.
Sot arritëm një fitore tepër të rëndësishme, ndodhemi në formë të mirë dhe duam të vazhdojmë përpara në këtë mënyrë. Rëndësi ka që CR7 u kthye.
Shpresoj që të jetë pika e kthesës për ne. Serie A është shumë e luftuar dhe e vështirë sivjet. Milani, Interi dhe Napoli do të luftojnë me ne për titull“, deklaron CR7. /abcnews.al
