Ditën e djeshme, u raportua se futbollistët e Skënderbeut kishin bojkotuar stërvitjen për shkak të mungesave të pagave.
Njëjtë si disa skuadra në Superiore, edhe ekipi korçar ka pasur probleme financiare dhe mungesa e futbollistëve dje në stërvitje, e konfirmoi këtë gjë.
Edhe trajneri Ilir Daja në daljet e tij publike, ka thënë se ekzistojnë problemet financiare, por gjithçka do të zgjidhej. Strategu i “Ujqërve” është munduar gjithmonë të ruajë rendin dhe qetësinë në ekip, por dje i doli situata nga duart.
Megjithatë, sot gjithçka i është kthyer normalitetit dhe skuadra është rikthyer në fushë, për të kryer seancën stërvitore.
Klubi i Skënderbeut, me anë të faqes së tyre zyrtare në Facebook, bëri të kuptohej se futbollistët kanë zbritur në fushë për të kryer seancën stërvitore, së bashku me trajnerin Ilir Daja./abcnews.al
