Britney Spears është rikthyer. Pas betejës ligjore me të atin për t’i dhënë fund kujdestarisë shumë vjeçare, këngëtarja ka publikuar bashkëpunimin me Elton John. Kënga është një version i ri i hitit të John-it të vitit 1971, Tiny Dancer. Kënga e re u shfaq në shërbimet e transmetimit të premten.
“Hold Me Closer” është kënga e parë e Spears që nga “Slumber Party”, e cila u shfaq në albumin e saj të vitit 2016, “Glory”. Ekipi i yllit të muzikës pop ripublikoi “Glory” në vitin 2020 ndërsa ajo ishte në një “luftë” për kujdestarinë e saj, nga e cila u lirua në vitin 2021 pasi e përshkroi atë si “abuzive”.
Në një seri postimesh në Twitter më 24 gusht, vetëm dy ditë përpara publikimit të këngës, Spears shprehu entuziazmin e saj për publikimin e këngës. “Okie dokie…kënga ime e parë në 6 vjet,” shkroi ajo në Twitter. “Është shumë bukur që po këndoj me një nga burrat më klasikë të kohës sonë…
Në një intervistë për The Guardian, Elton John foli për punën me Spears. “Të gjithë thoshin se nuk mendojnë se ajo mund të këndojë më,” tha ai në një moment. “Por unë thashë, ajo ishte e shkëlqyer kur filloi, kështu që mendoj se mundet. Dhe ajo e bëri atë, dhe unë isha shumë i emocionuar me atë që bëri.” /abcnews.al
