Kufizimet për shkak të pandemisë kanë rritur çmimet në Shqipëri. Nisja e rihapjes së ekonomisë në maj për disa fasha biznesesh është shoqëruar me shtrenjtim të disa produkteve e shërbimeve.
Sipas të dhënave të INSTAT gjatë muajit maj ka pasur shtrenjtim të produkteve të shportës ushqimore dhe pijeve jo alkoolike me 4,9 %. Frutat janë ato që kanë pësuar rritjen më të madhe të çmimeve në këtë nëngrup të ndjekur nga zarzavatet,vaji, peshku, sheqernat e ëmbëlsirat. Po ashtu INSTAT ka bërë me dije se rritje të çmimeve ka pasur edhe nëngrupi “Mobilje”, pajisje shtëpie dhe mirëmbajtje e shtëpisë” me 1,9 % e ndjekur nga “qira, ujë, lëndë djegëse dhe energji” me 1,4 %.
Gjatë pjesës së dytë të muajit maj u rihapën baret dhe restorantet dhe sipas të dhënave rezulton se shërbimet e ofruara prej tyre janë rritur me 0.7% gjatë kësaj periudhe.
Shtrenjtim kanë pësuar edhe tarifat e telefonisë si dhe pijet alkoolike e duhani.
Ndërkohë ulje të çmimit rezulton se ka pësuar transporti i cili është rihapur vetëm për atë privat dhe mbetet ende i mbyllur deri në datën 15 qershor Transporti Publik qytetas e ndërqytetës ,veshjet dhe këpucët si dhe shëndeti.
Inflacioni në vend ka arritur në 2.1%, por përsëri qëndron nën objektivin e Bankës së Shqipërisë prej 3%./abcnews.al
