Autoriteti Rrugor Shqiptar ka njoftuar se në aksin Bogë-Theth intensiteti i reshjeve të dëborës ka rënë, por borëpastrueset po vijojnë punën për pastrimin e rrugës. ARRSH njofton gjithashtu se rruga është e hapur për qarkullimin e mjeteve ndërsa apelon drejtuesit që të pajisen me goma dimërore dhe zinxhirë.
“Në Bogë-Theth intensiteti i reshjeve ka rënë por mjetet borëpastruese po punojnë pa ndërprerje për pastrimin e dëborës zgjerimin e pjesës kaluese dhe shpërndarjen e kripës për evitimin e ngricave.
Rruga është e hapur për qarkullimin e mjeteve. Drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore”, njofton ARRSH.
