“Çekiçët” e West Ham arritën të “shpëtojnë” në momentin e fundit këtë sezon, teksa arritën siguruan mbijetesën në Premier League, si dhe mundën në finalen e Conference League, “violët” e Fiorentina me rezultatin e ngushtë 2 me 1.
Mirëpo, përballja me italianët mund të jetë e fundit për talentin e mesfushës së “çekiçëve”, Declan Rice, i cili me shumë mundësi do të largohet nga “londinezët” këtë sezon.
Sipas raportimeve më të fundit nga mediat britanike, në garën për “yllin” e “çekiçëve” janë “bavarezët” e Bayern Munich dhe “topçinjtë” e Arsenal, me këta të fundit që raportohet se janë më afër arritjes së një marrëveshjeje e tashmë pritet të nisë merkato e verës për të mësuar destinacionin e ri të Rice. /i.m /abcnews.al
