Në një deklaratë tronditëse, zyrtarët e Hezbollahut zbuluan shtrirjen e sulmeve me bomba që kanë lënë dhjetëra të vdekur dhe mijëra të plagosur. Në veçanti, siç raportohet nga Reuters, një burim i organizatës shiite të Libanit, foli për mbi 1500 luftëtarë të cilët ishin verbuar ose kanë humbur gjymtyrët nga sulmet.
Megjithatë, kjo përfaqëson vetëm një pjesë të vogël të forcës së grupit, e vlerësuar nga 40,000 deri në 50,000 luftëtarë, ndërsa Nasrallah ka deklaruar se Hezbollahu ka 100,000 luftëtarë.
Sulmet, që i atribuohen Izraelit, megjithëse Tel Avivi nuk ka marrë përgjegjësinë, dhe përfshijnë vrasjen e zyrtarëve të lartë si Ibrahim Akil, themelues dhe udhëheqës i forcës elitare Radvan, dhe shkatërrimin e mijëra raketave dhe predhave, kanë shkaktuar një goditje për Hezbollahun.
Që nga tetori, kur Hezbollahu filloi të sulmonte Izraelin në shenjë mbështetjeje për Hamasin në Gaza, grupi ka vendosur luftëtarë në kufirin jugor të Libanit dhe ka forcuar rezervat e tij të raketave me shpejtësi të lartë në përgatitje për një konflikt të zgjatur.
Burimet thonë se megjithëse Hezbollahu po i shmanget një lufte në shkallë të plotë, ai ka ende mbështetje të konsiderueshme nga Irani, furnizuesi kryesor i armëve të grupit.
/abcnews.al
