Loading ...Reshjet e shiut që përfshinë pasditen e kësaj të hëne zonën e Moglicës dhe Gramshit kanë krijuar probleme në qarkullimin rrugor përgjatë aksit Moglicë–Gramsh.
Si pasojë e motit të keq, masa të konsiderueshme dheu dhe gurësh janë shkëputur nga shpatet anësore të malit, duke rënë në rrugë dhe duke bllokuar pjesërisht kalimin e automjeteve.
Sipas informacioneve nga terreni, aktualisht qarkullimi po kryhet vetëm në njërin krah të rrugës, ndërsa ndërhyrja e plotë për pastrimin e aksit mbetet e vështirë për shkak të prurjeve të vazhdueshme të materialeve nga shpati.
Autoritetet përkatëse dhe grupet e punës ndodhen në terren, duke monitoruar situatën dhe duke punuar për normalizimin e qarkullimit sa më shpejt të jetë e mundur.
Drejtuesit e mjeteve këshillohen të tregojnë kujdes të shtuar gjatë lëvizjes në këtë segment rrugor dhe të respektojnë sinjalistikën e vendosur në zonë.
