I gjithë qarku i Kukësit është përfshirë gjatë natës nga reshje shiu me intensitet mesatar, shoqëruar me erë. Sipas të dhënave, në disa segmente rrugore ka pasur rënie gurësh dhe inertesh por subjektet kontraktore kanë punuar gjatë gjithë kohës për pastrimin dhe mbajtjen funksionale të tyre.
Rrugat nacionale janë të qarkullueshme normalisht. Nga bashkitë Kukës, Tropojë dhe Has nuk kemi raportime për ndonjë problematikë. Furnizimi me energji elektrike është normal në gjithë territorin e Qarkut Kukës, përveç lagjes nr.2 Qyteti Kukës dhe fshatrat Golaj, Qarr, Letaj, Peraj e Zgjeç, bashkia Has.
Furnizimi me ujë të pijshëm është normal./abcnews.al
