Reshjet e borës në Dibër, në disa zona trashësia deri në 40 cm, probleme në disa akse

schedule10:57 - 21 Janar, 2022

schedule 10:57 - 21 Janar, 2022

Moti i keq dhe me reshje të dendura shiu dhe bore kanë përfshirë orët e fundit vendin tonë. Burime për abcnews.al bëjnë me dije se zona e Dibrës është dhe një ndër zonat më problematike përsa i përket reshjeve të borës që duket se kanë nisur me intensitet të lartë.

Deri më tani trashësia e borës në Kalanë e Dodës, Selishtë dhe Lurë kalon mbi 40 cm. Kalimi bëhet me vështirësi vetëm me zinxhirë.

Ndërkohë një tjetër problematikë në këtë zonë është dhe prezenca e erës së furtë, ku në zonat nga Cereni deri në Vasie të Kalasë së Dodës mbushet rruga me borë duke vështirësuar punën e borë pastrueseve.

Nëse situata do të vijojë kështu në orët në vijim mund të ketë bllokime të rrugës.

Ndërkaq policia apelon përdorimin e gomave dimërore dhe zinxhirëve./abcnews.al