Ish-presidenti Donald Trump ende nuk ka shpallur zyrtarisht synimin e tij për të kandiduar sërish në zgjedhjet e ardhshme, por shihet si favorit për të fituar në vitin 2024, sipas skynews.
Edhe pse ka qenë më pak i rezervuar në rrjetet sociale këto ditë, sigurisht që nuk i është shmangur politikës.
Gjatë fushatës për këto zgjedhje afatmesme, ai ka mbështetur publikisht 174 nga 430 kandidatët republikanë në Dhomën e Përfaqësuesve, dhe dhjetëra kandidatë të tjerë për senatorët, guvernatorët dhe sekretarët e shtetit të mundshëm republikanë.
Por rezultatet fillestare sugjerojnë se kjo mund të ketë rezultuar e gabuar. Kandidatët republikanë të Dhomës së Përfaqësuesve të mbështetur nga Trump në fakt kanë nuk kanë marrë atë mbështetje që prisnin.
Përqindja e votave të republikanëve në zonat me një kandidat të mbështetur nga Trump është rritur me 1.8% krahasuar me zgjedhjet e vitit 2020. Kjo është shumë më pak se rritja prej 6.9 % në zonat ku kandidatët republikanë nuk gëzonin mbështetjen e Trump.
Dallimi është më i madh në vendet e fituara nga demokratët, por edhe në zonat republikane ku kandidatët e mbështetur nga Trump nuk kanë marrë mbështetjen që pritej.
Kjo analizë bazohet në rezultatet e hershme nga më pak se gjysma e qarqeve.
/abcnews.al
