Zëdhënësi i Presidencës së Republikës së Afrikës Qendrore, Albert Yaloke Mokpem tha se pretendimet që kompania ruse e sigurisë “Wagner” është larguar nga vendi nuk janë të vërteta dhe se njësitë e saj kanë bërë vetëm “rotacion”.
Në një deklaratë për media, Mokpem tha se lajmet për tërheqjen e njësive të “Wagner”-it nga vendi nuk janë të vërteta.
“Njësitë e ‘Wagner’-it nuk janë tërhequr nga vendi dhe ato kanë kryer vetëm rotacion”, theksoi Mokpem duke shtuar se “Disa (njësi të Wagner-it) ikin, të tjerë vijnë”.
Ishte pretenduar se njësitë e “Wagner”-it kanë filluar tërheqjen nga Republika e Afrikës Qendrore, në të cilën vlerësohen se kanë rreth 2.000 mercenarë rusë.
Republika e Afrikës Qendrore dhe zyrtarët rusë në gusht të vitit 2018 nënshkruan marrëveshje ushtarake me qëllimin për të ndërhyrë së bashku ndaj ngjarjeve të dhunshme në vend.
