Reperja e famshme zbulon se do të bëhet nënë për herë të dytë

Familja me tre anëtarë e Cardi B dhe Offset do të zgjerohet së shpejti. Reperja me famë botërore zbuloi barkun e rrumbullakosur gjatë paraqitjes së saj në “BET Awards 2021” të Dielën, duke konfirmuar se ajo dhe burri i saj janë në pritje të fëmijës së tyre të dytë.

Reperja u ngjit në skenë me një veshje që ekspozonte barkun e rrumbullakosur. Ajo gjithashtoi ndau një postim në rrjete sociale pas performancës, të cilin e shoqëroi me mbishkrimin: #2.

Lajmi ishte një surprizë për fansat pasi shtatzania vjen vetëm pak kohë pasi çifti konfirmoi ribashkimin. Çifti janë prindër të vajzës Kulture Kiari Cephus, e cila lindi në korrik të 2018-ës. /abcnews.al