Lil Pump është i bindur se Donald Trump do të rizgjidhet sërish President i SHBA-ve. Reperi, i cili ka mbështetur publikisht Trump dhe ka marrë pjesë në një nga tubimet e tij gjatë fundjavës, shkroi në twitter se mbështetësit e tij duhet të rrinë të qetë pasi “njeriu ynë do të rizgjidhet”.
“Rrini të qetë. Qëndroni të durueshëm. Kini besim në sistem. Njeriu ynë do të rizgjidhet,” shkroi 20-vjeçari në twitter, duke etiketuar presidentin. Mbështetja e tij publike për Trump filloi javën e kaluar kur artisti i “Be Like Me” ndau në Instagram një imazh duke shtrënguar duart me presidentin.
Remain calm. Remain patient. Have trust in the system. Our man will be re-elected. #Trump202020 ?? ESSKEETIT @realDonaldTrump pic.twitter.com/8nCmZL9mrf
— Lil pump (@lilpump) November 5, 2020
Reperi e shoqëroi postimin me një video të shpërndarë në Instagram Story ku shpjegonte pse mbështeste Trump. Lil Pump gjithashtu mori pjesë në fushatën e Presidentit të Dielën në Miami-Dade në Florida. /abcnews.al
