A$AP Rocky ka konfirmuar më në fund romancën me Rihanna-n. Reperi 32 vjeçar ka folur hapur për herë të parë për marrëdhënien me këngëtaren gjatë një interviste për “GQ”, pavarësisht se ata kanë qenë të lidhur që nga viti i kaluar. Reperi e cilësoi divën e muzikës si “dashuria e jetës dhe zonja e tij”.
Kur u pyet se si ndihet në marrëdhënien me këngëtaren, ai tha: “Shumë më mirë. Shumë më mirë kur bëhet fjalë për të duhurën. Mendoj se kur e di, e di. Ajo është e duhura.” Ai gjithashti foli dhe për dëshirën për të krijuar një familje. “Unë mendoj se do të isha një baba i mrekullueshëm, jashtëzakonisht i mrekullueshëm.”
Rihanna dhe A$AP Rocky njihen që prej vitit 2012 por lidhja e tyre u bë romantike kohët e fundit. Spekulimet se ata mund të ishin bashkë filluan në janar të vitit që lamë pas kur Rihanna u nda nga i dashuri, Hassan Jameel pas tre vitesh lidhje.
Rocky më parë ka qenë i lidhur me Kendall Jenner, Chanel Iman, Iggy Azalea dhe Teyana Taylor. Ndërsa Rihanna është shoqëruar me Drake, Chris Brown dhe Leonardo DiCaprio. /abcnews.al
