Milan Skriniar ka arritur një rekord të pabesueshëm me Interin. Mbrojtësi luajti sot titullar kundër Bolognas, në atë fitore 1-2 me përmbysje. Në këtë sfidë, mbrojtësi arriti në kuotën e 100 ndeshjeve me Interin.
Jo vetëm kaq, por ky rekord është edhe më mbresëlënës, pasi Skriniar i ka luajtur të gjitha 100 ndeshjet me fanellën e Interit si titullar. Skriniar bëri një tjetër ndeshje shumë të mirë në mbrojtjen zikaltër, duke larguar shumë topa të rrezikshëm nga zona e Handanovic.
Në këto 100 ndeshje për Interin, Skriniar ka shënuar katër gola, ka fituar 52 ndeshje dhe e ka mbajtur rrjetën e tij 39 herë të paprekur. Rekorde të shkëlqyera për mbrojtësin zikaltër./abcnews.al
