Rekord të infektuarish ditorë me Covid në Greqi, humbin jetën 9 persona

Shifra të larta të infektuarish me Covid janë konfirmuar gjatë orëve të fundit në Greqi.

Gjatë 24 orëve të fundit në vendin fqinj janë konfirmuar të infektuar me Covid 1678 raste të reja dhe kanë humbur jetën 9 persona.

Mediat vendase bëjnë me dije se qyteti me numrin më të lartë të rasteve të reja është Selaniku me 449 raste të reja, ndjekur nga Athina me 300 raste të infektuarish.

Ndërkohë nga fillimi i pandemisë e deri më tani numri i të infektuarve me Covid në Greqi ka shkuar në 40929 persona mes të cilëve 635 kanë humbur jetën. /abcnews.al