Temperatura ka arritur në nivele rekord në dhjetë qytete meksikane, përfshirë kryeqytetin, mes një vale të nxehti që ka shkaktuar ndërprerje të energjisë në të gjithë vendin.
Në kryeqytetin meksikan, në lartësinë 2240 metra, temperatura maksimale arriti në 34.3 gradë Celsius, duke thyer rekordin e muajit të kaluar. Në Puebla, temperatura arriti në 35.2 gradë Celsius të enjten, duke thyer rekordin prej 34.3 gradë të vendosur në 1947.
Në Ciudad Victoria, në shtetin verior të Meksikës, Tamaulipas, pranë kufirit amerikan me Teksasin, temperatura maksimale të enjten arriti në 47.4 gradë Celsius, duke thyer një rekord të mbajtur që nga viti 1998.
Në San Luis Potosi, autoritetet mbyllën shkollat për shkak të vapës së padurueshme, pasi temperatura shkoi në 50 gradë Celsius. Vala e të nxehtit javën e kaluar shkaktoi ndërprerje për orë të tëra të energjisë në disa rajone të Meksikës, veçanërisht në pjesën veriore të vendit.
/abcnews.al
