Tiger Woods është një legjendë e golfit. 44-vjeçari nga Kalifornia cilësohet si më i miri i të gjitha kohërave në sportin aristokrat, aty ku ka shkëlqyer më shumë se të gjithë. Karriera e tij është e mbushur me suksese, por jashtë fushave të golfit kanë ndodhur shumë gjëra negative.
Çdokush ka pikat e tij të dobëta dhe konsumimi i alkoolit i ka shkaktuar probleme të mëdha amerikanit. Jo vetëm kaq, pasi ai shkatërroi edhe familjen e tij. Tiger njihet për tradhtitë ndaj Elin Nordegren, ish-gruas së tij me të cilën u nda vite më parë.
National Enquirer raporton se amerikani ka patur lidhje jashtëmartesore me 121 femra të ndryshme gjatë kohës që ishte i martuar me modelen suedeze. Shifra të “frikshme” dhe veprime për të cilat Tiger Woods është penduar sigurisht. /abcnews.al
