Një ngjarje e rëndë ka ndodhur në Turqi ku një baba ka vrarë me 20 plumba vajsën e tij, pasi kjo e fundit kishte refuzuar që të tregonte vendosjen e nënës së saj dhe ish bashkëshortes së autorit.
Mediat e huaja bëjnë me dije se fillimisht Mustafa Ali Yilmaz, 69-vjeç e ka përplasur makinën e së bijës duke e nxjerrë nga rruga, më pas është afruar dhe e ka kërcënuar që të tregojë vendodhjen e nënës së saj.
Ngjarja e rëndë ka ndodhur në Balikesir të Turqisë, në momentin që 28-vjeçarja Gulnur Yilmas po udhëtonte nga Balikesir në drejtim të Antalias, për t’u bërë gati për një provim së bashku me dy miq të saj.
E babai e kishte ndjekur nga pas, pasi i kishte instaluar një sistem navigimi në makinë që pasi e takoi ballë për ballë e goditi duke e nxjerrë nga rruga. Sikur kjo të mos mjaftonte, ai nxori të bijën nga makina duke i kërkuar që t’i tregojë se ku ishte e ëma e saj. E kur ajo refuzoi t’i tregojë, e qëlloi me 20 plumba, 11 prej tyre e goditën në kokë.
Ai ishte larguar me shpejtësi nga vendi i ngjarjes, por një ekip i policëve kishin arritur ta kapin dhe atë më armë në brez.
Në anën tjetër, është bërë e ditur se e ëma e viktimës, Gulden Yilmas ishte shkurorëzuar nga Yilmas në janar të vitit të kaluar. Gjatë seancës dëgjimore në Balikesir, Yilmaz ka pasur probleme të shëndetit mendor. /abcnews.al
