Naim Jakaj nga Instituti i Kosovës për Drejtësi në një intervistë për “Balkan Update” në ABC News, foli për referendumin ne veri, ku tha se ishte një dështim diplomatik i qeverisë së Kosovës.
Sipas tij qeveria e Kosovës sheh aspektin e sigurisë dhe jo të politikës në komunat në veri të vendit. Ndër të tjera Jakaj tha se dështimi në zgjedhjet në veri e kthen situatën para një viti dhe se kryetarët e komunave kanë legalitet, por jo legjitimitet.
“Kryetarët e komunave në veri të Kosovës kanë legalitet, por jo legjitimitet. Kjo do duhet të ishte shqetësim dhe për ta. Dështimi i votimit në veri e kthen situatën para një viti. Në tre vitet e fundit qeveria e ka parë situatën në veri në aspektin e sigurisë dhe jo atë politik apo të një dialogu që duhet ta kishte bërë me serbët e Kosovës. Ne patëm një dështim diplomatik. Rrjedhimisht edhe rezultati tashmë po prek nivelin përtej Ballkanit. Duhet tu kthehet legjitimitetet katër kryetarëve të komunave.“, tha ai. /abcnews.al
