TIRANË- Ramazani vuante nga problemet në mushkëri prej rreth një viti, por kohët e fundit frymëmarrja iu vështirësua shqetësim që e detyroi t;i drejtohej mjekut.
” Kam gati një vit, por nja tre- katër muajt e fundit jam interesuar nëpër mjekë. Frymëmarrjen e kisha shumë të vështirë dhe dhimbje herë pas here në krahun e djathtë”
Pas vizitave, mjekët konstatuan se 57-vjeçari duhej t’i nënshtrohej ndërhyrjes kirurgjikale.
Një e treta e mushkërisë duhej hequr, por si një duhanpirës I vjetër do ta kishte të vështirë rikuperimin pas operacionit. Kështu vendosën të përdorin një teknikë tjetër.
Për herë të parë në spitalin “Shefqet Ndroqi” në Tiranë u realizua me sukses ndërhyrja e avancuar kirurgjikale përmes një prerje vetëm 5 cm.
“Këtu bëhet fjalë për heqjen e një pjesë të madhe të mushkërisë, më shumë se 1/3 e mushkërisë me anë të një teknike endoskopike, me hapje 5 centimetra, në asistencën e videotoraktoskopisë, është një kirurgji që në vendin tonë është risi. Përfitimi për pacientin është jo vetëm ana estetike. Rikuperon më shpejt duke pas një plage operatore minimale. Pacienti përfitoi se ishte një pacient që mushkëritë e tij ishin dëmtuar paraprakisht, vuanin nga duhanpirja për një kohë të gjatë”
Kjo teknikë miniinvazive e cila përdoret për problemet e mushkërive në disa prej qendrave më të specializuara ndërkombëtare, sjell një standard të ri në kirurgji dhe në vendin tonë.
“Është një teknikë që e kërkonte koha, deri më para pacientët që i preferonin bëheshin vetëm jashtë me çmime stratosferike, këtu e përfitojnë falas. Aplikohet për të gjitha patologjitë e toraksit, është kirurgji që aplikohet për trajtimin e kancerit të mushkërisë ose për patologji të tjera beninje ose malinje. Kërkon përqendrim suportin me pajisjet e duhura, vështirësi që ne e kemi tejkaluar me pasjen e mundësisë steplave që janë qepës automatik për këtë kirurgji”
Sipas mjekëve një ndërhyrje e tillë redukton ndjeshëm dhimbjen dhe i jep mundësi pacientit të qëndrojë me pak në spital.
“Kam qenë shumë keq para operacionit tani ndjehem mirë”/abcnews.al
