Gjatë merkatos së verës, ish-“ylli” i mbrojtjes së Real Madrid, Marcelo i dha fund “aventurës” së tij, te “gjigantët” grek të Olympiacos, për t’u transferuar te klubi i tij i fëmijërisë, Fluminense, ku padyshim prej kohësh ëndërronte të fitontë një trofe të madh.
Mbrëmjen e së shtunës, Marcelo, tashmë 35-vjeçar arriti të përmbushte ëndrrën e tij, teksa ngriti në mitikun e “Maracana”, trofeun e Copa Libertadores, pasi mundën në finale, pas kohës shtesë, argjentinasit e Boca Juniors, me rezultatin e ngushtë, 1 me 2.
Pas ndeshjes, “legjenda” braziliane mbrojtjes theksoi pa ndeshjes rëndësinë e trofeut, teksa tha se fitimi i Copa Libertadores me Fluminense është më i rëndësishëm, për të se 5 trofetë e Champions League, që ka siguruar gjatë karrierës.
“Te Reali duhet të më kuptojnë: ky është titulli më i rëndësishëm në karrierë, sepse e fitova me klubin ku jam rritur. Champions apo Libertadores? Sigurisht që kjo e dyta. Nuk ka çmim dhe ndjesi më emocionuese për mua”,- u shpreh ish-“ylli” i “galaktikëve”. /i.m /abcnews.al
