Sulmuesi i Real Madrid, Eden Hazard, është drejt rikthimit në stërvitje. Belgu ka përfunduar një seancë stërvitore me shokët e ekipit dhe ky është një hap shumë i madh në rikuperimin e tij. Kjo ishte hera e parë që rikthehej në stërvitje që nga 26 nëntori, ku u dëmtua në sfidën kundër PSG-së.
Siç raporton klubi madrilen, Hazard ka qenë pjesë e një seance të plotë dhe gjithashtu ai ka luajtur në lojën që trajneri Zidane ka organizuar në fund. Një lajm shumë i mirë ky për teknikun francez, por ende nuk dihet nëse sulmuesi do të jetë i gatshëm për derbin kundër Atleticos.
Ndërkohë madrilenët po ndjekin me kujdes situatën e mesfushorit të Villarreal, Ivan Morante. Reali i bashkohet garës për shërbimet e spanjollit, ku Bayern Munchen dhe Manchester City kanë kohë që e monitorojnë situatën e tij . Morante ishte një nga më të mirët për ekipin e të rinjve sezonin e kaluar, ku fitoi kampionatin dhe kupën. I riu ra në sy me lojën e tij dhe shumë shpejt përfundoi në radarin e klubeve më të mëdhenj europian. /abcnews.al
