Pas dëgjesës në KPK, PD kërkon shkarkimin e gjyqtarit Admir Thanza. Në reagimin e selisë blu thuhet se pavarësisht rrethanave të pretenduara, është e rëndë që një gjyqtar i lartë, ka fshehur vendimin gjyqësor të formës së prerë nga autoritetitet italiane, gjatë plotësimit të formularit të dekriminalizimit.
“Komisionet e vettingut janë njohur me këtë të dhënë në mënyrë zyrtare që në muajin Prill 2018 dhe do të duhet të kishin urdhëruar menjëherë shkarkimin nga detyra të gjyqtarit në fjalë, pa patur nevojë për të vijuar edhe për 3 muaj procedurat e vlerësimit.”, thuhet në reagimin e PD.
Për këtë arsye PD kërkon që organet e vettingut ta shkarkojnë gjyqtarin pa vonesë. Të njëjtën thirrje selia blu i drejton edhe presidentit Ilir Meta. Ndrësa prokurorisë i kërkon nisjen e procedimit penal ndaj gjyqtarit Admir Thanza për shkeljen e ligjit të dekriminalizimit. /abcnews.al
