Reagimi i ashpër i Stoltenberg: Jemi të zhgënjyer me Kosovën

Sekretari i Përgjithshëm i NATO-s, Jens Stoltenberg, ka bërë një deklaratë të ashpër për media në Bruksel, duke thënë se NATO është e zhgënjyer për vendosjen e taksës për produktet serbe dhe ato të Bosnjes nga ana e Qeverisë së Kosovës. Stoltenberg ka folur edhe për FSK-në, ku ka theksuar se pa lejen e KFOR-it, ata nuk mund të shkojnë në veri. “ Ne gjithashtu kërkojmë respektimin e Marrëveshjes së Brukselit, dhe është e qartë se forcat e sigurisë vendore nuk mund të hyjnë në veri pa lejen e komandantit të KFOR-it”, ka thënë Stoltenberg,  raportojnë mediat kosovare. /abcnews.al