Aaron Ramsey veshi fanellën e Juventusi verën e kaluar. Drejtuesit kishin arritur prej kohësh akordin me ish-mesfushorin e Arsenalit dhe nuk paguan asnjë cent për shërbimet e tij. Uellsiani ka shumë ambicie, tregon pse zgjodhi “Zonjën e Vjetër” mes shumë ofertave dhe e mbyll me CR7 prononcimin e dhënë për The Sun.
“Kam zgjedhur Juventusin për të fituar titullin në Serie A dhe për të sfiduar emrat “big” në Champions League. Juventusi është një klub i madh, një ndër më të fortët në Evropë. Kisha edhe oferta të tjera, por më tërhoqi historia e bardhezinjve.
Këtu kanë një mentalitet fituesi dhe unë doja të luaja për të fituar trofe. Dua të ndihmoj klubin për të ngritur trofeun e Champions League. CR7? Ai është një atlet i shkëlqyer, e gjen gjithmonë të parin në palestër, stërvitet fort aty çdo ditë dhe më pas zbret në fushë”, deklaron Aaron Ramsey. /abcnews.al
