Sergio Ramos dhe Real Madrid janë të lidhur ngushtë me njëri-tjetrin. Kapiteni i kampionëve të Spanjës mund të bëhet pjesë e një tjetër klubi në verë, pasi kontrata i përfundon më 30 qershor. Gjithsesi kurrë nuk do të pranonte të luante për Barcelonën.
Këtë ai e ka shprehur ditën e sotme në konferencën e organizuar për publikimin e dokumentarit “Legjenda e Sergio Ramos”, që të gjithë do të mund ta shohin në Amazon. Gjithçka nisi kur Ramos u pyet nëse do e pranonte te Reali argjentinasin Leo Messi.
“A do ta pranoja Messin në Madrid? 100 për qind, nuk kam asnjë dyshim për këtë. Unë madje do ta ftoja atë në shtëpinë time për ta ndihmuar (qesh)… Dhe diçka tjetër, unë kurrë nuk do të luaja për Barcelonën.
Nuk do ta bëja diçka të tillë as për 50 milion euro në vit, as për 70 milion. Janë disa gjëra që paratë nuk mund t’i blejnë kurrë. Është e pamundur”, është shprehur Ramos, i cili ka folur në konferencë për tema të ndryshme. /abcnews.al
Sergio Ramos: “Would I accept Messi in Madrid? 100%. Without doubts. I would even invite him to my house to help him (laugh). And… I would never play for Barcelona, nor for €50M nor for €70M per year. There some things that money can't buy. It's impossible”. ?? @MadridXtra
— Fabrizio Romano (@FabrizioRomano) March 11, 2021
