Qeveria do të vijojë të mbështesë sipërmarrjet bujqësore në vend. Kryeministri Edi Rama e premtoi gjatë një vizite në një fermë blegtorale në Libofshë të Fierit. Agjencia për Zhvillim Bujqësor dhe Rural ka mbështetur këtë fermë për të ndërtuar stallën e tretë dhe për të rritur kapacitetet prodhuese deri në 6,5 tonë qumësht në ditë përmes skemës kombëtare.
Aktualisht në këtë sipërmarrje private punojnë rreth 25 puntorë të përhershëm e dhjetëra të tjerë sezonal. Ndërkohë bashkëpunon me rreth 300 fermerë të tjerë, duke dhënë një kontribut të madh për ekonominë e zonës. Kryeministri Rama vlerësoi punën e bërë dhe u shpreh se ky është modeli që duhet ndjekur nga fermerët në të gjithë vendin./ABC News Albania 24/7
