Loading ...
Kryeministri Edi Rama mëngjesin e kësaj të marte e ka nisur me një reagim ndaj draftit final nga Komisioni i Venecias në lidhje me ndryshimet Kushtetuese të miratura për Kodin Zgjedhor.
Rama përmes një video të postuar në rrjetin social Facebook ka thumbuar opozitën e cila e ka cilësuar të jashtëligjshme ndryshimet e fundit të bëra në Kodin Zgjedhor.
Në pamjet e publikuar përmenden disa nga vendimet me kryesore të ndërmarra për ndryshimin e Kodit Zgjedhor.
“Rekomandimet e Komisionit të Venecias për ndryshimet Kushtetuese shkojnë në të njëjtën linjë logjike me argumentet e kryeministrit Rama”, thuhet në video duke iu referuar draftit final./abcnews.al
