Rama njofton reformën e re në arsim: Hapni krahun, koha juaj mbaroi

schedule11:15 - 13 Nëntor, 2021

schedule 11:15 - 13 Nëntor, 2021

Gjatë prezantimit të buxhetit për ministrinë e Arsimit për vitin 2022, kryeministri Edi Rama kishte një porosi shumë të rëndësishme për ministrinë e Arsimit në lidhje me drejtuesit e shkollave. Kreu i qeverisë tha se sot kemi në shkolla drejtues që janë “out” dhe që duhet të largohen për t’u lënë vendin atyre që e meritojnë.

Domosdoshmëria e një rritje cilësore të drejtimit të shkollës. Kemi bërë shumë për t’i nxjerrë nga politizimi, bakshishi dhe tarafi dhe për t’u dhënë mundësinë të gjithëve që ta realizojnë këtë me meritën e tyre, sistemi i pikëzimit që kalon përmes testeve. Pavarësisht rasteve të shpërdorimit me këtë test janë një përqindje shumë e vogël në raport me pjesën tjetër.

Por ne nuk kemi bërë shumë në raport me të shkuarën për drejtimin e shkollave. Kemi drejtues që nuk e meritojnë të drejtojnë shkollat dhe janë nën nivelin e mësueseve dhe të një kolektivi mësimor dhe që janë “out” dhe këtu është e qartë për ministren, për drejtorinë e përgjithshme që duhet ndërhyrë që drejtuesit me vlerë të mbështeten dhe motivohen dhe drejtuesve që u ka kaluar koha të largohen.

Lexo edhe: Rama: Pagat e mësuesve do i rrisim 40%

Nuk ka rëndësi cfarë bindjesh ke dhe nga je, apo cfarë statusi ke. Duhet bërë një skanim i plotë, objektiv, i drejtë, i të gjitha kapaciteteve drejtuesve të shkollave dhe kush nuk e meriton të hapë krahun për t’ja lënë vendin dikujt tjetër. Në cdo shkollë ka mësuese që mund të drejtojnë ministrinë e Arsimit dhe jo më një shkollë. Duhen gjetur aty në cdo shkollë mësueset që duhet të zëvendësojnë këta burra që u ka mbaruar koha me kohë e me vakt” tha ai.

Për mësuesit kishte një porosi të veçantë. “Duhet të fillojmë t’i nxisim maksimalisht me argumente dhe fakte fëmijët drejt mundësisë së jashtëzakonshme që jep teknologjia, në moshën e tyre, jo në moshën tonë, në moshën tonë ka ikur ajo punë.

Lexo edhe: Kushi: Do të rishikojmë të gjitha tekstet shkollore

Në moshën e atyre ku paralelisht mësojnë gjuhën shqiptare, angleze, të mësojnë edhe gjuhën e kompjuterit, që duhet përkthyer në një botë tjetër, e një tregu që është më i madh global sot, që mund të hysh pa pasur mundësi të lëvizësh nga shtëpia dhe mund të punësohesh, të krijosh ndërmarrjen tënde dhe të rritesh financiarisht pa lëvizur fare nga shtëpia, jo më të lëvizësh nga Shqipëria. Duhet të jemi të gjithë interesuar për ta përçuar këtë mesazh.

Laboratorët e shkollave duhet të jenë atraktivë. Ajo që ka të bëjë me laboratorët e informatikës është problem për burimet njerëzore. Kemi mësues që nuk janë specifikisht të arsimuar për informatikë, por vijnë nga lëndë të tjera, mësues matematike dhe fizike. Nuk është kjo që ne duam” tha Rama./ db/Abcnews.al