Pas mbërritjes në Nju Jork, Kryeministri Edi Rama është takuar me homologun grek Kiriakos Micotaqis. Lajmin, shefi i qeverisë e ka bërë të ditur në rrjetet sociale, ku ka publikuar edhe dy foto të takimit. “Me kryeministrin e Greqisë, Kiriakos Mitzotaqis. Prezantim miqësor dhe bashkëbisedim i hapur”, shkruan Rama. Ky është takimi i parë me kryeministrin Micotaqis që pas krijimit të qeverisë së re në Athinë.
Kreu i qeverisë greke ka deklaruar para pak kohësh se mosrespektimi i minoritetit grek në jug të Shqipërisë, mund të bëhet arsye për të bllokuar negociatat.
Gjatë vizitës në Nju Jork, ku do të marrë pjesë në Asamblenë e 74-t e Kombeve të Bashkuara, Rama pritet të takojë edhe presidentin Amerikan Donald Tramp. Gjithashtu, kryeministri shqiptar do të mbajë edhe një fjalë gjatë punimeve të kësaj asambleje. Në takimin e përvitshëm, Rama mbërriti me një ditë vonesë, pasi të shtunën ndërpreu udhëtimin në mes, për t’u rikthyer në Tiranë pas tërmetit që goditi vendin. /ABC News Albania 24/7
