Loading ...
DURRËS- Kryeministri Edi Rama ka ndarë pamje nga operacioni për lirimin e hapësirave publike. Ky aksion po vijon edhe në Durrës. Në pamjet e publikuara nga kryeministri Rama shihet se është ndërhyrë në lagjen 4 në Durrës për t’u rikthyer hapësirat publike të zëna në mënyrë të paligjshme qytetarëve.
“Një hapësirë e zaptuar në Lagjen 4 është liruar dhe po i nënshtrohet rehabilitimit, për t’u vënë sërish në shërbim të qytetarëve. Vijojmë angazhimin për t’i rikthyer komunitetit hapësirat publike të zëna në mënyrë të paligjshme, duke garantuar ambiente të hapura, funksionale dhe të aksesueshme për të gjithë”, shkruan Rama.
