Në takimin me anëtarët e qeverisë dhe grupit parlamentar Kryeministri Edi Rama tregoi bisedën që pati me kancelaren gjermane Angela Merkel dhe Presidentin e Francës Macron sa u përket hapjes së negociatave.
“Që nga kancelarja Merkel, e cila ma bëri të qartë që në takimin në Berlin që do jenë muaj të vështirë dhe se ajo do ishte në krahun tonë dhe deri te Macron i cili ma tha troç qysh në takimin në Paris se për të ishte tejet e vështirë të thoshte Po për një datë, por më premtoi se në respekt të reformave do të mendohej për një zgjidhje pozitive”.
Kryeministri njoftoi gjithashtu se këtë vjeshtë Shqipërinë do ta vizitojë presidenti francez.
“Dhe këtë vjeshtë Shqipërinë do ta vizitojë një presidnet i Francës. Kam bindjen se pas vizitës lidhja jonë do bëhet më e fortë”- u shpreh Rama.
Gjatë fjalës së tij kreu i qeverisë shprehu mirënjohejn për të gjithë ata miq të Shqipërisë që ndihmuan në këtë proces.
“Pa miqtë vendi ynë do mbetej në det te hapur në mëshirën e erërave kundër zgjerimit të Europës dhe nëse do mbeteshim pa datë ankorimi këtë herë një Zot e di se kur do të kthehej në tryezën e shteteve anëtare një datë, pas një 12 mujori ku BE do sprovohet në stuhinë e zgjedhjeve të reja.
Shqipëria ka gjetur dhe ka bërë disa miq tq vërtetë në këtë periudhë që luftuan me këmbëngulje për të mos e lënë anijen tonë pa një port ankorimi”- vijoi Rama, ndërsa me emra konkretë shprehu falenderimet për gjithësecilin. /abcnews.al
