Rama: Kemi kryer detyrat!/ “Shqipëria është gati të ulet në tryezën e BE”

Një ditë pas hapjes së grupkapitullit të fundit të negociatave, kryeministri Edi Rama iu drejtua samitit të zgjerimit, ku renditi arsyet se përse Shqipëria duhet të ulet në tryezën e Bashkimit Europian.

“Shqipëria sjell në tryezë shpirtin e madh të dukurshëm të Europës, dhe i sjell kurorës së saj një grup të tjetër të vogël të çmuar. Shqipëria është gati, jemi plotësisht të përkushtuar, kemi treguar rezultate me reforma, nuk do të ndalim asnjë çast, ndjejmë përgjegjësinë për t’i shërbyer Europës dhe Europa për t’i shërbyer paqes.”

Rama thotë se hapja në vetëm një vit e të gjithë grupkapitujve të integrimit është dëshmi e reformave të ndërmarra por edhe kontributit të komisioneres për zgjerimin, Marta Kos.

“Shqipëria ka arritur shumë, ne kemi përparuar me reforma, kemi rezultate, dhe nuk do të ndalojmë kurrë. Ne duam që Shqipëria të jetë jo vetëm pasardhëse e traditës europiane, por edhe bashkëautore e së ardhmes europiane. Dhe kur koha vjen, kur unë të lë këtë detyrë, shpresoj që historitë tona të jenë të shkruara së bashku me Europën,  jo si një kapitull i vogël, por si një pjesë e rëndësishme e saj. Unë besoj që ndërsa Marta po shkruan historinë me ne, duhet të sigurohemi që edhe historia do të shkruajë për të me faqet e saj.”

Por pranon se rrugëtimi drejt Bashkimit Europian nuk ka qenë i lehtë, përkundrazi.

“Për Shqipërinë ky rrugëtim nuk ka qenë një rrugë e drejtë dhe e mbushur me duartrokitje. Ka qenë një udhë e gjatë, shpesh e stigmatizuar dhe me stereotipe. Jemi vlerësuar po ashtu nga Komisioni Europian, por jemi refuzuar nga Këshilli Evropian për shkak të disa vendeve skeptike. Këto momente testuan durimin tonë dhe besimin tonë te Europa. Ajo që nuk na vrau, na bëri më të forte.”

Sa i perket vendeve anëtare, skeptike ndaj zgjerimit, I rikujton përfitimet që kanë patur sa herë kanë hapur dyert për shtetet e reja

“Sa herë që BE ka ftuar anëtarë të rinj në klubin e saj, përfitimet kanë tejkaluar frikën. Nuk ka asnjë arsye të vetëm të besojmë se gjërat do të jenë kundër tashmë. Demokracia është në tërheqje, demagogjia po ecën përpara, të drejtat e njërit janë nën sulmet, jo vetëm që Europa është më e cenueshme, por duket më e mirë si një pre e preferuar për agresorët. Europa e bashkuar është Europa e që formëvëson fatin e saj.”  / abcnews.al /