Sonte në Shqipëri mbërritën mbi 14 mijë vaksina të “Pfizer”. Kryeministri Edi Rama shkruan se në total deri tani në Shqipëri kanë ardhur 847 mijë doza vaksine.
“Sapo kanë mbërritur edhe 14,040 vaksina Pfizer. Mbi 847 mijë doza vaksine kanë ardhur deri tani në Shqipëri, teksa do të vijojë javë pas jave mbërritja sipas kalendarit të vaksinave AntiCovid. Shqipëria Buzëqesh” shkruan Rama.
Objektivi i qeverisë është arritja e një milion vaksinimeve deri në qershor, teksa deri tani numri i qytetarëve që janë vaksinuar ka arritur në 725135.
Në Shqipëri po injektohen vaksinat Pfizer, AstraZeneca, Sinovac dhe Sputnik V./ db/ Abcnews.al
