Kryeministri Edi Rama i ftuar në studion e emisionit “Real Story” sqaroi pse qeveria e tij u tërhoq nga premtimi i bërë më herët për rindërtimin e Teatrit Kombëtar.
“Në programin e parë është e vërtetë që ne aty kemi pasur ndërmend një rikonstruksion, po kaq e vërtetë është që ministrja e Kulturës, Mirela Kumbaro në bashkëpunim me ministrinë e Kulturës të Francës kemi sjellë në Tiranë në atë kohë për të asistuar për programin e përgjithshëm shefin e kulturës atje, organizuan edhe një emision në Francë që merrej me rikonstruksione.
Unë e kam pranuar këtë përpjekje për të mos iu imponuar atij programi dhe ata u kthyen dhe thanë nuk bëhet teatër ajo godinë, se nuk ka qënë kurrë. Historia është e shkruar. Shikojeni skenën pas sa është, është pafund, kjo godinë nuk ka asnjë lloj mundësie të reastaurohet për tu bërë e përdorshme”,tha Rama.
Kryeministri përsëriti më shumë se disa herë që në truallin e Teatrit Kombëtar nuk do të ngrihen kulla, duke mos treguar se çfarë do bëhet me truallin bosh.
“Ca të them atë fjalën që thoshte Kadri Roshi? Nuk ka kulla aty, nuk ka more vëlla! Si tua shpjegoj? E kam thënë 100 herë? Brenda, jashtë, mbrapa në të gjithë perimetrin nuk ka kulla.
Ne shkuam për ta zgjidhur këtë me PPP, nuk e kam fshehur këtë. Toka para dhe pas teatrit do i jepej mundësi investitorit të ndërtonte për qëllime fitimi dhe për shtetin të ndërtonte teatrin. Kur erdhi oferta, u quajt e papranueshme se për interesin publik, nuk mund të pranohet.
Në atë moment nisëm të diskutojmë një sistem tjetër ku bashkia hyn në rolin e zhvilluesit dhe qeveria jep garanci sovrane për Bashkinë e Tiranës”,sqaroi Rama.
