Nga Berati Kryeministri Edi Rama, vizitoi një sipërmarrje të grumbullimit të bimëve medicinale në zonën e Dushnikut. Kreu i qeverisë theksoi se reflektohet një rritje e qëndrueshme e punës dhe fitimit, falë edhe politikave mbështetëse të viteve të fundit.
Ndërsa gjatë takimit nuk kanë munguar as batutat mes tij dhe biznesmenit, i cili ishte pronar i sipërmarrjes. Rama pyeti biznesmenin nëse ka probleme me vizat amerikane, duke ‘thumbuar’ sërish ish-kryeministrin Berisha, pasi në seancën e së enjtes në Kuvend, kreu i qeverisë e pyeti, ‘me dash a e kalon Oqeanin?’ duke lënë të kuptohet se ambasada i ka hequr vizën për në SHBA.
Batutat
Rama: Si je bos?
Biznesmeni: Mirë jeni?
Rama: Mos ke ndonjë precedent kriminal se na nxjerrin fotografi bashkë, dënime nuk ke pasur në të kaluarën?
Biznesmeni: Jo, jo nuk kam pasur.
Biznesmeni: Kam 25 vite, kam qenë edhe në panaire edhe në Amerikë kam qenë gjithmonë edhe…
Rama: Ti me vizat amerikane nuk ke probleme?
Biznesmeni: Nuk kam./abcnews.al
