Në një kohë që në Itali rritet numri i viktimave dhe i të prekurve nga koronavirusi qytetarët shqiptarë kanë shtuar masat parandaluese.
Frika më e madhe është gjatë udhëtimit me autobus në kryeqytet .Shpesh herë autobusët janë të tejmbushur dhe mungon qarkullimi i ajrit.Qytetarë shpjegojnë se ndjehen të frikësuar dhe mundohen që të marin masa mbrojtëse duke vendosur maska.
“Shumë keq, një erë shumë e rëndë. Kam katër ditë që mbaj maskë”, thotë një qytetar.
Por ka edhe nga ata qytetarë që kanë gjetur si masë mbrojtëse shallin duke shmangur blerjen e maskave të cilat kanë pësuar rritje çmimi e madje është e vështirë ti gjesh në farmaci.
Deri tani në Shqipëri nuk është konfirmuar asnjë rast me Koronavirus ndërsa në të gjitha pikat kufitare janë marrë masa për të parandaluar personat e infektuar. /abcnews.al
