Me qindra britanikë janë dyndur në Pallatin Kensington në lindje të Londrës ditën e sotme për të parë nga afër statujën e re të Princeshës Diana.
Megjithatë, ata patën reagime të ndryshme sa i përket ngjashmërisë së statujës me Princeshën e Uellsit. Sipas raportimeve, disa prej tyre thanë se ajo duket shumë e bukur, ndërsa të tjerë mendojnë se nuk i ngjan.
Skulptura 2.4 metër e gjatë, që e tregon Princeshën pranë tre fëmijëve me etni të ndryshme, u zbulua ditën e djeshme nga djemtë e saj, Princi William dhe Harry. Tashmë, skulptura e Diana-s pika qendrore e Kopshtit të Fundosur të Pallatit, i cili sapo është riparuar, ku janë mbjellë edhe lulet e preferuara të Princeshës.
Një numër i madh admiruesish të princeshës u vunë në radhë sot jashtë portave duke pritur të paktën dy orë derisa patën mundësinë që t’i hidhnin një sy statujës. s.b /abcnews.al/
