Mbreti i Holandës, në fjalimin e tij të Krishtlindjeve drejtuar kombit, përshëndeti “faljen” e qeverisë këtë javë për rolin e shtetit holandez në tregtinë e skllevërve dhe tha se ishte vetëm “fillimi i një rruge të madhe”.
“Askush nuk mban përgjegjësi sot për veprimet çnjerëzore në kurriz të jetëve të burrave, grave dhe fëmijëve. Por, duke u përballur me ndershmëri të kaluarën tonë të përbashkët dhe duke njohur krimin kundër njerëzimit që është skllavëria, ne po hedhim themelet për një të ardhme të përbashkët”, theksoi Mbreti William-Alexander.
“Një e ardhme në të cilën ne do të ngrihemi kundër çdo forme moderne të diskriminimit, shfrytëzimit dhe padrejtësisë. Kërkimi i faljes nga qeveria është fillimi i një rruge të gjatë”, tha mbreti.
Tregtia e skllevërve ndihmoi në financimin e ‘epokës së artë’ të Holandës, një periudhë prosperiteti falë tregtisë detare në shekujt 16 dhe 17. Vendi dërgoi rreth 600,000 skllevër afrikanë, veçanërisht në Amerikën e Jugut dhe Karaibe.
Kryeministri holandez Mark Rutte e quajti tregtinë e skllevërve një “krim kundër njerëzimit”, duke kërkuar falje zyrtarisht për rolin e shtetit. Megjithatë, kryeministri Zid Maarten dhe presidenti i Surinamit më vonë shprehën keqardhjen e tyre për “mungesën e dialogut” nga ana e Holandës për këtë çështje. Disa ish-koloni holandeze kanë kërkuar dëmshpërblime për veprimet e shtetit holandez.
