Futbolli në Itali mund të nisë për 50 ditë. La Repubblica shkruan se qeveria ka dhënë “OK”-in që të luhet futboll në fund të muajit maj, por ndeshjet do të zhvillohen pa praninë e publikut. Sigurisht që pritet të ketë masa të rrepta, në mënyrë që të mos ketë të infektuar të tjerë.
Plani është që ekipet të zbresin në fushë që më 4 maj dhe të bëhen gati për të luajtur në fund të muajit. Kështu do të ketë mjaftueshëm kohë që 13 javët e mbetura të Serie A të mbyllen para 3 gushtit, sipas udhëzimit të dhënë nga UEFA.
Ndeshjet do të zhvillohen në fundjavë, në dy ditë, ndërkohë që sa i takon sezonit tjetër, mendohet të rinisë në javën e parë të muajit shtator. /abcnews.al
