Qeveria izraelite miratoi buxhetin e shtetit për vitin 2025, raportojnë mediat izraelite.
Buxheti kërkon një rritje të madhe në buxhetin e Ministrisë së Mbrojtjes, i cili do të arrijë në 102 miliardë shekelë (27.2 miliardë dollarë) vitin e ardhshëm, megjithëse mund të rritet në 40.1 miliardë dollarë në pritje të negociatave midis zyrtarëve të ministrisë së mbrojtjes dhe financave.
Kryeministri Benjamin Netanyahu tha në një deklaratë se “një buxhet i rëndësishëm, i vështirë por i nevojshëm po miratohet në një vit lufte”, ndërsa ministri i Financave Bezalel Smotrich vlerësoi se buxheti i propozuar për vitin 2025 arrin objektivat e qeverisë për një deficit prej 4.3 për qind.
Smotrich shpreson se buxheti do të lejojë Izraelin të dalë nga lufta e vazhdueshme në Gaza me rritje të përshpejtuar ekonomike.
Udhëheqësi i opozitës Yair Lapid tha se qeveria ka miratuar një “buxhet të pamatur” që do të rrisë kostot për familjet izraelite me rreth 20,000 shekel (5,000 dollarë) në vit.
Qeveria ka afat deri në fund të marsit që deputetët e Knesset të votojnë buxhetin./abcnews.al
