Babai i Halyna Hutchins ka hedhur akuza ndaj aktorit Alec Baldwin se është pjesërisht përgjegjës për vrasjen e vajzës së tij. Anatoly Androsovych thotë se nuk arrin ta kuptojë pretendimin e aktorit se nuk e ka tërhequr këmbëzën e armës.
“Nuk mund ta kuptoj sjelljen e Alec. Pse e qëlloi gjatë përgatitjeve? Revolveri është lloj arme që nuk qëllon përpara se të shtypet këmbëza dhe Alek është pjesërisht fajtor për shkaktimin e asaj goditjeje.”, tha ai për The Sun.
“Është e qartë për mua që Baldwin qëlloi nga dora e tij, është e vështirë për mua të kuptoj se si ai nuk mund të konsiderohet pjesërisht përgjegjës për vdekjen e vajzës sime.”, shtoi ai. Ky reagim vjen pasi Baldwin dha qëndrimin e tij për të shtënat në rrjetin televiziv Abc News.
“Dikush vendosi një plumb të vërtetë në një armë. Një plumb i vërtetë që as që duhej të ishte në pronë. Dikush është përgjegjës për atë që ndodhi, dhe unë nuk mund të them se kush është ai, por e di që nuk jam unë.“, u shpreh mes të tjerash aktori. /abcnews.al
