Skënderbeu po kalon një sezon të vështirë dhe barazimi i fundit në shtëpi me Apoloninë nuk ka lënë një shije të mirë. Tifozët ultras të korçarëve sot kanë reaguar, teksa janë shfaqur në stërvitjen e skuadrës.
Të qartë para tyre, thirrje për reagim që në ndeshjen e radhës me Kukësin në Korçë. Tri pikët janë shumë të nevojshme për të qëndruar në Superiore. Sigurisht ka pasur edhe motivim për futbollistët, sikurse edhe lëvizje në merkato.
Këtë herë në dalje. Mbrojtësi Harallamb Qaqi, i cili ishte titullar në pjesën e parë të sezonit, së fundmi nuk është preferuar nga stafi teknik dhe sigurisht ai nuk mund të pranonte stolin.
Për këtë arsye Qaqi e ka mbyllur bashkëpunimin me Skënderbeun dhe do të kërkojë për një tjetër aventurë të re. Merkato mbyllet me 31 janar dhe me gjasa brenda javës do të zyrtarizohet e ardhmja e tij. / abcnews.al
